کراچی: دو دریا کے قریب تیز رفتار گاڑی کھمبے سے ٹکر اگئی، 4 افراد زخمی

کراچی میں دو دریا کےقریب تیز رفتار گاڑی بے قابو ہوکر کھمبے سے ٹکرا گئی۔

پولیس  کا کہنا ہے کہ کھمبے سے ٹکرانے کے بعد گاڑی میں آگ لگنے سے 4 افراد زخمی ہوگئے۔

پولیس  کا کہنا ہے کہ حادثے میں زخمی افراد کو اسپتال منتقل کردیا گیا، ایک کی حالت تشویش ناک ہے۔

ریسکیو ذرائع کا کہنا ہے کہ دو دریا کے قریب ٹریفک حادثے میں زخمی ایک شخص دم توڑ گیا۔

واقعہ تیز رفتاری کے باعث پیش آیا، تاہم ابھی یہ نہیں کہا جاسکتا کہ وہاں گاڑیوں کی ریس لگائی جارہی تھی یا نہیں۔

بشکریہ جنگ