کراچی: بچہ جنم دینے والی کے بجائے گود لینے والی کو دینے کی ہدایت

سندھ ہائی کورٹ نےکمسن بچے کی حوالگی سے متعلق کیس میں بچہ گود لینے والی خاتون کو دینے کی ہدایت کر دی۔

عدالتِ عالیہ کی جانب سے درخواست مسترد ہونے پر خاتون سے بچہ چھننے کی کوشش کی گئی اور اس موقع پر خوب شور شرابہ بھی ہوا۔

احاطۂ عدالت میں فریقین آپس میں گتھم گھتا ہو گئے، خاتون نے چیخ و پکار شروع کر دی۔

فاروق ایچ نائیک نے کہا کہ یہ قانون انگریز نے بنایا تھا، ترمیم کےتحت ماں کو بچے کی کسٹڈی کا حق دے رہے ہیں، بچی 16سال تک اور بچہ 7سال تک ماں کے پاس رہے گا۔

سیکیورٹی اہلکاروں کی جانب سے مداخلت پر فریقین کو چھڑا لیا گیا۔

عدالت میں خاتون عظمیٰ نے بتایا کہ بچہ ہم نے 3 سال پہلے گود لیا تھا۔

سندھ ہائی کورٹ نے کمسن بچے کو جنم دینے والی خاتون اقراء کی درخواست مسترد کر دی اور بچہ گود لینے والی خاتون عظمیٰ کے حوالے کرنے کی ہدایت کر دی۔

بشکریہ جنگ