کراچی بلدیاتی انتخابات: ملیر میں باپ کیساتھ بچہ آن ڈیوٹی پولیس افسر
کراچی میں بلدیاتی انتخابات کے لیے پولنگ کے دوران شاہ لطیف ٹاؤن ملیر کے ایک پولنگ اسٹیشن پر پولیس افسر کی وردی میں ملبوس بچہ ڈیوٹی کرتے ہوئے توجہ کا مرکز بن گیا۔
شاہ لطیف ٹاؤن ملیر کے سیکٹر 17 بی میں بوسٹ پبلک اسکول میں قائم یو سی 2 کے پولنگ اسٹیشن نمبر 371 پر بھی دیگر پولنگ اسٹیشنز کی طرح زبردست سیکیورٹی انتظامات کیے گئے تھے۔
اس پولنگ اسٹیشن پر 8 سالہ بچہ ریحان توجہ کا مرکز تھا جو اپنے پولیس افسر والد کے ساتھ سپرنٹنڈنٹ آف پولیس کی وردی پہن کر ڈیوٹی دے رہا تھا۔
پولنگ اسٹیشن کے باہر پولیس کی وردی میں ملبوس کھڑے رہنے کے بارے میں پوچھنے پر ریحان نے بتایا کہ اسے پولیس افسر بننے کا شوق ہے، اسی لیے خاص طور پر اپنے لیے یونیفارم بنوائی ہے۔
اس موقع پر آتے جاتے لوگوں نے ریحان کے ساتھ کھڑے ہوکر تصویریں بھی بنوائیں۔
واضح رہے کہ کراچی اور حیدرآباد میں بلدیاتی الیکشن کے لیے پولنگ جاری ہے۔
صبح 8 بجے سے شروع ہونے والی پولنگ شام 5 بجے تک بغیر کسی وقفے کے جاری رہے گی۔
Comments are closed.