کراچی ایئرپورٹ سے جیب کترا رنگے ہاتھوں پکڑا گیا

کراچی کے جناح انٹرنیشنل ایئرپورٹ پر کارروائی کے دوران اے ایس ایف کے عملے نے ایک جیب کترے کو رنگے ہاتھوں پکڑ لیا۔

ایئرپورٹ ذرائع کے مطابق ملزم عبدالجبار اس سے پہلے بھی کراچی ایئرپورٹ پر مسافروں کی جییں کاٹنے میں ملوث رہا۔

اے ایس ایف ذرائع کے مطابق عبدالجبار نامی ملزم پر اس سے پہلے کراچی ایئرپورٹ پر موبائل فون چوری کرنے کا بھی الزام ہے۔

ذرائع کے مطابق اے ایس ایف ٹیم نے سی سی ٹی وی کیمروں کی مدد سے ملزم کی نگرانی کا سلسلہ جاری رکھا ہوا تھا۔

ملزم نے جیسے ہی مسافر کی جیب پر ہاتھ صاف کیا رنگے ہاتھوں پکڑ لیا گیا۔

ملزم عبدالجبار سے ایئرپورٹ پر اے ایس ایف اہلکاروں نے تفتیش کی اور  مزید کارروائی کےلیے اسے ایئرپورٹ پولیس کے حوالے کردیا گیا۔

بشکریہ جنگ