کراچی:کورونا کا پھیلاؤ، 5 یو سیز میں مائیکرو اسمارٹ لاک ڈاؤن

کراچی میں کورونا وائرس کے بڑھتے ہوئے کیسز کی وجہ سے ضلعی انتظامیہ نے کورنگی کے 2 سب ڈویژنز میں مائیکرو اسمارٹ لاک ڈاؤن لگا دیا۔

ضلعی انتظامیہ کی جانب سے جاری کیئے گئے نوٹیفکیشن کے مطابق کورنگی کے 2 سب ڈویژنز کی 5 یونین کونسلز میں مائیکرو اسمارٹ لاک ڈاؤن لگایا گیا ہے۔

محکمہ صحت سندھ نے ملک کے سب سے بڑے شہر کراچی میں کورونا وائرس کے بھارتی ڈیلٹا ویرینٹ کے 35 کیسز کی تصدیق کر دی۔

نوٹیفکیشن میں کہا گیا ہے کہ لاک ڈاؤن کے ایریاز میں اجتماعات اور تقریبات پر مکمل پابندی ہو گی۔

ضلعی انتظامیہ کے نوٹیفکیشن کے مطابق ہاٹ اسپاٹ ایریاز میں ایس او پیز پر سختی سے عمل درآمد کروایا جائے گا۔

ملک بھر میں کورونا وائرس سے انتقال کرنے والے افراد کی مجموعی تعداد 22 ہزار 618 ہو گئی جبکہ کُل کورونا مریضوں کی تعداد 9 لاکھ 76 ہزار 867 ہو چکی ہے۔

نوٹیفکیشن میں مزید کہا گیا ہے کہ مائیکرو اسمارٹ لاک ڈاؤن والے ایریاز میں ماسک کا استعمال لازمی قرار دیا گیا ہے

ضلعی انتظامیہ کی جانب سے جاری کیئے گئے نوٹیفکیشن میں یہ بھی بتایا گیا ہے کہ مائیکرو اسمارٹ لاک ڈاؤن 13 جولائی سے 26 جولائی تک نافذ العمل رہے گا۔

بشکریہ جنگ