کراچی، کسٹم کی کارروائی، 15 کروڑ روپے کی اسمگل شدہ اشیاء برآمد

کراچی میں کسٹم انٹیلی جنس اینٹی اسمگلنگ آرگنائزیشن نے کارروائی کرتے ہوئے 15 کروڑ روپے مالیت کی اسمگل شدہ اشیاء کی بڑی مقدار برآمد کرکے 2 ملزمان کو گرفتار کرلیا۔

رپورٹس کے مطابق کسٹم حکام نے متعلقہ مجسٹریٹ سے سرچ وارنٹ حاصل کرکے سندھی مسلم ہاؤسنگ سوسائٹی کی دو رہائشی عمارتوں کی مسلسل نگرانی کے بعد کارروائی کی۔

برآمد کیے گئے سامان میں غیر ملکی سگریٹ، سگار، انڈین ساختہ لیڈیز بیگ، ذائقہ دار پان مصالحہ، بیوٹی کریم، شیمپو، ٹوتھ پیسٹ، الائچی اور متعدد دیگر اشیاء شامل ہیں۔

کسٹم حکام کا کہنا ہے کہ ملزمان کے خلاف درج دو مقدمات میں مزید تحقیقات جاری ہے۔

بشکریہ جنگ