کراچی، نوجوان گھر کی دہلیز پر لٹ گیا

کراچی کے علاقے فیڈرل بی ایریا میں 2 اسٹریٹ کرمنلز نے شہری کو گھر کی دہلیز پر لوٹ لیا واردات کی سی سی ٹی وی جیو نیوز نے حاصل کی ہے۔

فیڈرل بی ایریا بلاک 14 میں صبح 9 بجے نوجوان کو اسٹریٹ کرمنلز نے لوٹ لیا، نوجوان 14فروری کی صبح گھر سے دفتر جانے کے لیے نکلا تھا۔

واردات کی سی سی ٹی وی جیو نیوز نے حاصل کی ہے جس میں دیکھا جاسکتا ہے کہ موٹر سائیکل سوار دو ملزمان شہری کو لوٹ رہے ہیں۔

دونوں ملزمان شلوار قمیض میں ملبوس اور چہرے واضح ہیں، واردات کے بعد ملزمان باآسانی فرار ہوگئے۔

شہریوں کا کہنا ہے کہ فیڈرل بی ایریا میں پولیس وارداتیں روکنے میں ناکام ہے۔

بشکریہ جنگ