کراچی، ندی میں ڈوبنے والے 8 سالہ بچے کی لاش مل گئی

کراچی میں نارتھ ناظم آباد، واحد کالونی میں ندی میں ڈوبنے والے 8 سالہ بچے کی لاش نکال لی گئی۔

ریسکیو حکام کے مطابق نارتھ ناظم آباد واحد کالونی کے قریب گزشتہ روز ندی میں ڈوبنے والے 8 سالہ بچے کی تلاش میں ریسکیو ادارے کی بحری خدمات کی ٹیم نے ندی میں بچے کی تلاش میں سرچ آپریشن کیا۔

رات ہونے کی وجہ سے مشکلات پیش آئیں تاہم ریسکیو اہلکار  8 سالہ فیضان کی لاش کو ندی سے نکالنے میں کامیاب ہوگئے اور لاش کو سہراب گوٹھ سرد خانے منتقل کردیا گیا ہے۔

دوسری جانب کورنگی میں چکرا گوٹھ قبرستان کے قریب جھگڑے میں فائرنگ سے ایک نوجوان زخمی ہوگیا۔

زخمی ہونے والے 18 سالہ نوجوان سرور کو طبی امداد کے لیے جناح اسپتال منتقل کردیا گیا۔

بشکریہ جنگ