کراچی، مقابلے کے بعد 3 زخمی ڈاکوؤں سمیت 4 گرفتار

کراچی میں اسکیم 33 سچل گوٹھ میں موٹر سائیکل لفٹرز اور ڈاکوؤں کے ساتھ مقابلے کے نتیجے 3 زخمی ڈاکوؤں سمیت 4 ملزمان کو گرفتار کرلیا گیا۔

پولیس کے مطابق اسکیم 33 سچل گوٹھ میں اے وی ایل سی نے موٹر سائیکل لفٹرز سے مبینہ مقابلے کے بعد دو موٹر سائیکل لفٹرز کو زخمی حالت میں گرفتار کرلیا۔

اے وی ایل سی کی ٹیم نے موٹر سائیکل سوار ملزمان کو رکنے کا اشارہ کیا تو ملزمان نے فائرنگ کر دی، ملزمان کے قبضے سے چھینی ہوئی موٹر سائیکل برآمد کرلی گئی، گرفتار ملزمان میں راغب اور شاہ رخ شامل ہیں۔

پولیس کے مطابق سہراب گوٹھ الآصف اسکوائر کے قریب ڈکیتوں سے مبینہ مقابلے کے بعد ایک زخمی سمیت 2 ڈاکوؤں کو گرفتار کرلیا گیا۔

گرفتار ملزمان میں آصف گل اور رفیع اللّٰہ شامل ہیں، گرفتار ملزمان کے قبضے سے اسلحہ اور موٹر سائیکل برآمد کی گئی ہے۔

بشکریہ جنگ