کراچی، محمودآباد نالے میں گیس بھرنےسے دھماکا
شہر قائد کراچی کے علاقے محمود آباد نالے میں گیس بھرنے کے سبب دھماکا ہوا ہے۔
ایس ایس پی ایسٹ قمر رضا کے مطابق نالے میں دھماکے کے نتیجے میں قریبی سڑک کی دوسری جانب دکان موجود تھی جو متاثر ہوئی ہے۔
قمر رضا کے مطابق دھماکا معمولی نوعیت کا ہے، پولیس نفری دھماکے کی جگہ پر پہنچ گئی ہے۔
ایس ایس پی ایسٹ قمر رضا کا بتانا ہے کہ دھماکے کی زد میں آنے والے تینوں افراد بھی معمولی زخمی ہوئے جنہیں طبی امداد کے بعد گھر بھیج دیا گیا ہے۔
دوسری جانب انچارج سی ٹی ڈی مظہر مشوانی بھی واقعے کی جگہ پہنچ گئے ہیں۔
مظہر مشوانی کا کہنا تھا کہ بم ڈسپوزل کو طلب کیا ہے، بی ڈی ایس آکر جگہ کو کلیئر کرے گا۔
انہوں نے کہا کہ ابتدائی طور پر دھماکا نالے میں گیس بھر جانے سے ہوا ہے۔
انچارج سی ٹی ڈی مظہر مشوانی کا کہنا ہے کہ واقعے میں بچے سمیت تین افراد معمولی زخمی ہوئے ہیں، دکاندار کا بیان بھی لیا گیا ہے۔
Comments are closed.