کراچی، ماڈل کالونی میں 4 ڈاکوؤں نے شہری کو لوٹ لیا

کراچی کے علاقے ماڈل کالونی میں 4 ڈاکوؤں نے ایک شہری کو لوٹ لیا، دوسرا شہری ڈاکوؤں کو دیکھ کر گلی میں فرار ہوگیا۔

ماڈل کالونی ہاشم رضا روڈ پر چار روز قبل ڈکیتی کی واردات ہوئی، جس کی سی سی ٹی وی فوٹیج منظرعام پر آگئی ہے۔

سی سی ٹی وی ویڈیو میں موٹرسائیکل سوار 4 ڈاکوؤں کو علاقے میں گشت کرتے دیکھا جاسکتا ہے۔

ملزمان ایک شہری کو دیکھ کر واپس مڑتے ہیں تو شہری خطرہ بھانپتے ہوئے گلی میں بھاگ جاتا ہے لیکن دوسرا شہری ملزمان کے ہتھے چڑھ جاتا ہے۔

ملزمان شہری سے موبائل فون اور دیگر قیمتی اشیاء لوٹ کر فرار ہوگئے۔

بشکریہ جنگ