کراچی،انکروچمنٹ آپریشن میں 1شخص جاں بحق، اہلخانہ کا احتجاج
کراچی کے علاقے گلشن معمار میں انکروچمنٹ کے خلاف آپریشن کے دوران فائرنگ سے ایک شخص جاں بحق ہوگیا ، اہلخانہ نے ناردرن بائی پاس پر لاش رکھ کر واقعے کے خلاف احتجاج کیا۔
پولیس کے مطابق گلشن معمار میں ناردرن بائی پاس پر انکروچمنٹ کے خلاف آپریشن کے دوران فائرنگ سے تاج زخمی ہوگیا تھا جو کہ عباسی شہید اسپتال میں دوران علاج جاں بحق ہوگیا۔
آپریشن عباس بروہی گوٹھ میں تجاوزات کے خلاف کیا گیا تھا، مرنے والے شخص کے اہلخانہ اور عزیز و اقارب نے کئی گھنٹےناردرن بائی پاس پر لاش رکھ کر احتجاج کیا۔
مظاہرین کا مطالبہ تھا کہ واقعہ میں ملوث افسران کے خلاف قتل کا مقدمہ درج کرکے گرفتار کیا جائے تاہم بعد میں پولیس سے مذاکرات اور پولیس کی جانب سے قانونی کارروائی کی یقین دہانی پر احتجاج ختم کردیا گیا۔
بشکریہ جنگ
Comments are closed.