کانپور: بھارت اور نیوزی لینڈ کے درمیان پہلا ٹیسٹ فیصلہ کن مرحلے میں داخل

کانپور میں بھارت اور نیوزی لینڈ کے درمیان جاری سیریز کا پہلا ٹیسٹ فیصلہ کن مرحلے میں داخل ہوگیا ہے۔ 

یہ ٹیسٹ جیتنے کے لیے آخری روز نیوزی لینڈ کو 280 رنز درکار ہیں جبکہ بھارت 9 وکٹیں لے کر میچ اپنے نام کرسکتا ہے۔ 

میچ کی پہلی اننگز میں بھارت نے 345 رنز بنائے جس کے جواب میں کیوی ٹیم 296 رنز بنا کر آل آؤٹ ہوئی۔ 

بھارت نے اپنی دوسری اننگز 7 کے نقصان پر 234 رنز بنا کر ڈکلیئر کی تو اس کے ساتھ ہی نیوزی لینڈ کو جیت کے لیے 284 رنز کا ہدف ملا تھا۔ 

چوتھے روز کھیل کے اختتام پر نیوزی لینڈ نے 4 رنز بنالیے تھے تاہم وہ ول ینگ کی صورت میں ایک وکٹ گنواچکے ہیں۔

بشکریہ جنگ