کامیڈین کی جانوروں کی چال کی نقل اتارنے کی ویڈیو وائرل

معروف کامیڈین اور سوشل میڈیا اسٹار ڈینیئل لابیل کی جانب سے جانوروں کی چال پر مزاحیہ ویڈیو بنائی گئی ہے۔

ڈینیئل کا شمار ان کامیڈینز میں ہوتا ہے جو مختصر دورانیے کی کامیڈی ویڈیوز بناکر لوگوں کو ہنسنے پر مجبور کردیتے ہیں۔

 ڈینیئل کی ویڈیو میں دیکھا جاسکتا ہے کہ وہ مختلف اقسام کے جانوروں اور پرندوں کی چلنے کی نقل اتار رہے ہیں اور یہ ویڈیو لوگوں کی ہنسی کی وجہ بھی بن رہی ہے۔

ڈینیئل نے اس ویڈیو میں بطخ، پینگوئن ، گھوڑے، چیتے اور ہرن کی چال کی نقل اتاری۔

مذکورہ ویڈیو پر دیکھنے والوں نے بھی خوب تبصرے کیے اور ڈینیئل کے ٹیلنٹ کو ہمیشہ کی طرح سراہا۔

بشکریہ جنگ