کالعدم تنظیم پر پابندی سے متعلق الیکشن کمیشن کی وضاحت آگئی

الیکشن کمیشن آف پاکستان (ای سی پی) کی جانب سے کالعدم تنظیم پر پابندی میں کردار ادا کرنے سے متعلق وضاحت سامنے آگئی۔ 

ترجمان ای سی پی کا کہنا ہے کہ کہا جا رہا ہے کہ الیکشن کمیشن کالعدم جماعت پر پابندی لگانے میں کردار ادا نہیں کررہا۔

ای سی پی ترجمان نے کہا کہ آئین کے تحت وفاقی حکومت اس بارے میں اعلان کرے گی۔

انہوں نے بتایا کہ وفاقی حکومت ایسی پارٹی کے خلاف 15 دن میں ریفرنس سپریم کورٹ کو بھیجے گی، اگر عدالت عظمیٰ ریفرنس کے حق میں فیصلہ دے تو سیاسی پارٹی فوری تحلیل تصور ہوگی۔

ترجمان کے مطابق الیکشن کمیشن بذریعہ گزٹ سیاسی پارٹی کے ممبران کو نااہل قرار دے گا۔

بشکریہ جنگ