گورنر اسٹیٹ بینک رضا باقر نے کہا ہے کہ کاروباری طبقے کے بغیر کوئی ملک ترقی نہیں کرسکتا۔
کراچی میں تقریب سے خطاب میں رضا باقر نے کہا کہ آج کی دنیا میں کوئی ملک ڈیجٹلائزیشن کے بغیر ترقی نہیں کرسکتا۔
اُن کا کہنا تھا کہ ایف پی سی سی آئی اے سے آخری ملاقات دو سال پہلے ہوئی تھی، دو سال پہلے شرح سود 13 اعشاریہ 25 فیصد تھی۔
گورنر اسٹیٹ بینک نے مزید کہا کہ اس وقت شرح سود سنگل ڈیجٹ کرنےکی سفارش کی جاتی تھی۔
انہوں نے کہا کہ 2 سال میں اسٹیٹ بینک نے اپنی اسکیمز کے ذریعے کاروباری طبقےکی معاونت کی۔
رضا باقر نے یہ بھی کہا کہ اسٹیٹ بینک کا محور ہی کاروباری طبقے کی اعانت کرنا ہے۔
Comments are closed.