کارروائی صرف غیر قانونی مقیم غیر ملکیوں کیخلاف ہو رہی ہے: وزیرِ قانون سندھ

نگراں وزیرِ قانون و انسانی حقوق سندھ عمر سومرو نے کہا ہے کہ صوبے میں کارروائی صرف غیر قانونی طور پر مقیم غیر ملکیوں کے خلاف ہو رہی ہے۔

ایک بیان میں عمر سومرو نے کہا کہ افغان باشندوں کی 3 کیٹیگریز ہیں، پہلے وہ جن کے پاس افغان سٹیزن کارڈ ہے۔

انہوں نے بتایا کہ دوسرے وہ جن کے پاس پروف ریزیڈنس کارڈ ہے اور تیسرے وہ جو یہاں غیر قانونی طور پر مقیم ہیں۔

وزیرِ انسانی حقوق سندھ کا مزید کہنا ہے کہ افغان باشندوں کو اپنے مہاجر کیمپس میں ہونا چاہیے، ان کو پراپرٹی خریدنے کی اجازت نہیں ہے۔

عمر سومرو نے یہ بھی کہا کہ غیر قانونی طور پر مقیم باشندوں کے خلاف آپریشن ہو رہا ہے اور ہونا چاہیے۔

بشکریہ جنگ