کابل سے 5 دن میں 18 ہزار افراد کا انخلاء

طالبان کے افغانستان پر قبضے کے بعد گزشتہ 5 دن کے دوران دارالحکومت کابل کے ایئر پورٹ سے 18 ہزار افراد کا انخلاء کرایا گیا ہے۔

طالبان کی جانب سے افغانستان پر مکمل قبضے اور موجودہ صورتِ حال پر گفتگو کے لیے نیٹو کی جانب سے اجلاس طلب کر لیا گیا ہے۔

یہ اعداد و شمار ایک نیٹو عہدے دار نے میڈیا کو دیئے گئے ایک بیان میں بتائے ہیں۔

مذکورہ نیٹو عہدے دار کا مزید کہنا ہے کہ کابل ایئر پورٹ کے تمام دروازوں پر شہریوں کا رش ہے۔

افغان طالبان کے عہدے دار کا کہنا ہے کہ خواتین سے بھی مشاورت کی گئی ہے اور انہیں بھی عہدوں کی پیش کش کا امکان ہے۔

نیٹو عہدے دار نے یہ بھی کہا ہے کہ ویک اینڈ پر کابل ایئر پورٹ سے انخلاء کا عمل دو گنا کرنے کا ارادہ ہے۔

بشکریہ جنگ