کابل ایئرپورٹ پر 10 ہزار کے قریب لوگ ویزوں اور دستاویزات کے ساتھ موجود ہیں، امریکی میڈیا

امریکی میڈیا کا کہنا ہے کہ کابل ایئرپورٹ پر10 ہزارکےقریب لوگ ویزوں اور دستاویزات کےساتھ موجودہیں، کابل ایئرپورٹ میں موجود لوگ انخلاء نہیں کر پا رہے۔

جوبائیڈن نے کہا کہ افغانستان سے تمام امریکی شہریوں اور امریکا کی مدد کرنے والے افغان شہریوں کو نکالنے کا عزم ہے۔

امریکی میڈیا کا کہنا ہے کہ قطر کی مزید افغان باشندوں کو قبول کرنےکی صلاحیت ختم ہو رہی ہے، پناہ گزینوں کی آباد کاری کے لیے امریکا یورپ سمیت نئے مقامات کی تلاش میں ہے۔

طالبان نے جمعہ خطبات میں امام مساجد سے شہریوں سے ملک نہ چھوڑنے کی اپیل بھی کروائی۔

کئی افغان باشندوں کو جرمنی کے اسٹائن ایئربیس پر منتقل کرنے پر غور کیا جا رہا ہے۔

 جرمن وزیر خارجہ کا کہنا ہے کہ افغان تارکین وطن کے ٹرانزٹ کے لیے ایئر بیس کے وقتی استعمال پر اتفاق ہوگیا۔

بشکریہ جنگ