ڈی آئی خان: سیلابی ریلے میں بہنے والی مردہ سمجھی گئی بچی معجزانہ طور پر بچ گئی

ڈیرہ اسماعیل خان کے سیلابی ریلے میں بہہ جانے والی 4 سالہ بچی کی جان معجزانہ طور پر بچ گئی۔

میڈیکل رضا کاروں کی ٹیم کی محنت رنگ لائی اور مردہ سمجھی جانے والی بچی ہوش میں آ گئی۔

عینی شاہدین کے مطابق ڈیرہ اسماعیل خان کے گاؤں کیچ میں 4 سالہ بچی سیلابی ریلے میں بہہ گئی تھی جسے کئی گھنٹوں بعد مقامی افراد نے سیلابی ریلے سے نکالا تو اُس وقت بچی کی سانس نہیں چل رہی تھی اور بچی کا جسم نیلا پڑ چکا تھا۔

کراچی اور گرد و نواح میں ایک ہفتے قبل تک جاری رہنے والی شدید بارشوں کے دوران ملیر لنک روڈ پر برساتی ریلے میں بہہ جانے والی کار کے ڈرائیور کی لاش 12 روز بعد آج مل گئی۔

گاؤں میں اتفاقاً اسلام آباد سے آئی میڈیکل رضاکاروں کی ٹیم موجود تھی۔

میڈیکل ٹیم کے سربراہ ڈاکٹر عبدالرحمٰن یزدانی اور ڈاکٹر نوید خالد نے آدھے گھنٹے کی مستقل کوشش کی تو بچی کی سانسیں بحال ہو گئیں، بچی ہوش میں آتے ہی رو پڑی۔

مقامی افراد کا کہنا ہے کہ وہ امید چھوڑ چکے تھے لیکن بچی کے ہوش میں آنے پر وہ حیران رہ گئے۔

بشکریہ جنگ