ڈیرن سیمی کی وزیراعظم عمران خان کی صحتیابی کیلئے نیک خواہشات

وزیراعظم عمران خان کے کورونا وائرس کے شکار ہونے پر جہاں ان کے لیے دعائیہ پیغامات کا سلسلہ جاری ہے، وہیں ڈیرن سیمی نے بھی ان کی جلد صحتیابی کے لیے نیک خواہشات کا اظہار کیا ہے۔

پاکستان سپر لیگ (پی ایس ایل) کی فرنچائز پشاور زلمی کے کوچ ڈیرن سیمی نے کہا کہ میں جانتا ہوں کہ آپ ہمیشہ سے ایک فائٹر ہیں۔

انھوں نے وزیراعظم عمران خان کی جلد صحتیابی کے لیے نیک خواہشات کا اظہار بھی کیا۔

خیال رہے کہ وزیراعظم عمران خان آج کورونا وائرس کا شکار ہوگئے۔

اس حوالے سے وزیراعظم کے معاون خصوصی برائے صحت ڈاکٹر فیصل سلطان نے ٹوئٹر پر جاری بیان میں بتایا کہ عمران خان کا کورونا ٹیسٹ مثبت آیا ہے۔

خیال رہے کہ وزیراعظم نے چند روز قبل کورونا وائرس کی ویکسینیشن کروائی تھی۔

اس حوالے سے وزارت نیشنل ہیلتھ سروسز کا کہنا تھا کہ وزیراعظم عمران خان جب کورونا میں مبتلا ہوئے اس وقت ان کی مکمل ویکسی نیشن نہیں ہوئی تھی۔

بشکریہ جنگ