ڈھاکا ٹیسٹ: پاکستان کے دونوں اوپنرز پویلین لوٹ گئے

پاکستان اور بنگلادیش کے مابین ڈھاکا میں کھیلے جارہے دوسرے ٹیسٹ میچ کی پہلی اننگز کے پہلے سیشن میں پاکستان نے 2 وکٹ کے نقصان پر 78 رنز بنا لیا ہے۔ 

پہلی سیشن  میں قومی ٹیم کی پہلی وکٹ 59 رنز پر گری تھی، آؤٹ ہونے والے کھلاڑی  عبدﷲ شفیق تھے جنہوں نے 25 رنز کی اننگز کھیلی۔

دوسرے آؤٹ ہونے والے کھلاڑی عابد علی تھے، انہوں نے 39 رنز بنائے۔

پاکستان کے دونوں اوپنرز کو بنگلادیش کے تیج الاسلام نے آؤٹ کیا۔

خیال رہے کہ قومی ٹیم نے ٹاس جیت کر پہلے بیٹنگ کا فیصلہ کیا ہے۔

ڈھاکا ٹیسٹ میں پاکستان کرکٹ ٹیم نے پہلا ٹیسٹ میچ جیتنے والی پلیئنگ الیون کو برقرار رکھا ہے اور ٹیم کی قیادت بابر اعظم کررہے ہیں۔

دوسرے ٹیسٹ کے لیے دیگر کھلاڑیوں میں نائب کپتان محمد رضوان، عابد علی، عبدﷲ شفیق، اظہر علی، حسن علی، نعمان علی، شاہین شاہ آفریدی، ساجد خان اور فہیم اشرف پلیئنگ الیون کا حصہ ہیں۔

بنگلادیش نے اپنی ٹیم میں 3 تبدیلیاں کی ہیں، یاسر علی، سیف حسن اور ابو جاوید کی جگہ شیکب الحسن، محمود الحسن اور خالد حسین کو شامل کیا گیا ہے۔

خیال رہے کہ پہلے ٹیسٹ میچ میں پاکستان نے شاندار کھیل کا مظاہرہ کرتے ہوئے بنگلادیش کو 8 وکٹوں سے شکست دی تھی۔ 

بشکریہ جنگ