ڈکی بھائی اپنے خوابوں کی گاڑی کے مالک بن گئے

پاکستانی مشہور یوٹیوبر اور وی لاگر سعد الرحمٰن عرف ڈکی بھائی نے اپنی یوٹیوب کی کمائی سے تقریباً 5 کروڑ روپے کی گاڑی خرید لی۔

فوٹو اینڈ ویڈیو شیئرنگ پلیٹ فارم انسٹاگرام پر پوسٹ شیئر کرتے ہوئے ڈکی بھائی نے اپنی کامیابی اپنے مداحوں کے ساتھ شیئر کی۔

انہوں نے اپنی نئی گاڑی ’ اوڈی ای ٹرون ۔ جی ٹی‘ کے ساتھ چند تصاویر انسٹاگرام پر شیئر کی اور لکھا کہ ’ میں جب بھی روڈ پر اس گاڑی کو دیکھتا تھا تو اس کا پیچھا کیا کرتا تھا‘۔

انہوں نے مزید لکھا کہ ’الحمداللہ اب یہ گاڑی میرے گیراج میں کھڑی ہے، میں نے اپنے خوابوں کی گاڑی خرید لی‘۔

خیال رہے کہ ڈکی بھائی چھ یا سات برس سے یوٹیوب پرلوگوں کومحظوظ کر رہے ہیں۔ تاہم اب انہوں نے ولاگنگ بھی شروع کردی ہے جسے لوگوں میں بہت مقبولیت مل رہی ہے 

بشکریہ جنگ