ڈپٹی اسپیکر کی رولنگ پر فیصلہ، عمران خان کی نظر ثانی اپیل دائر

تحریک عدم اعتماد سے متعلق ڈپٹی اسپیکر کی رولنگ کے خلاف ازخود نوٹس کے معاملے پر سابق وزیر اعظم عمران خان نے سپریم کورٹ میں عدالتی فیصلے پر نظرثانی کی اپیل دائر کر دی۔

سابق وزیر اعظم عمران خان  کی جانب سے نظر ثانی اپیل میں استدعا کی گئی ہے کہ سپریم کورٹ کے 7 اپریل کے فیصلے کو کالعدم قرار دیا جائے۔

عمران خان کی اپیل میں موقف ہے کہ 7 اپریل کے فیصلے میں کئی سقم ہیں جن پر نظر ثانی کی ضرورت ہے۔

اپیل میں موقف اپنایا گیا ہے کہ سپریم کورٹ نے 7 اپریل کو عدم اعتماد کی تحریک پر 9 اپریل کو ووٹنگ کرانے کا حکم دیا، اسمبلی کی کارروائی کے دوران ڈپٹی اسپیکر نے آئین کے آرٹیکل5 پر عملدرآمد کیا۔

سابق وزیر اعظم کی اپیل میں کہا گیا ہے کہ سربراہ حکومت کا ڈپٹی اسپیکر کے اقدامات سے کوئی تعلق نہیں ہوتا۔

بشکریہ جنگ