ڈپٹی اسپیکر پنجاب اسمبلی آفس کے 11 ملازمین کا تبادلہ

ڈپٹی اسپیکر پنجاب اسمبلی آفس کے 11 ملازمین کا تبادلہ کر دیا گیا، دوست محمد مزاری نوٹیفکیشن پر برہم ہوگئے، ماننے سے انکار کردیا۔

نوٹیفکیشن کے مطابق اسٹاف آفیسر امان خالد کو تعمیر مرمت کے شعبے میں ٹرانفسر کیا گیا ہے۔

ترجمان ڈپٹی اسپیکر دوست مزاری سمیت اسسٹنٹ پروٹوکول افسر اور پرسنل فوٹو گرافر کو پی آر سیکشن بھیج دیا گیا ہے۔

اس کے علاوہ سنیر کلرک شفاقت علی اور کمپیوٹر آپریٹر کا تبادلہ ایڈمن بلاک میں کیا گیا ہے۔

 نوٹیفکیشن کے تحت جونیر کلرک محمد حسین کو آر آئی سیکشن میں بھیج دیا گیا، ظہور احمد مزاری، تکسین ارشد ، شائد حسین اور امیر حمزہ کا بھی تبادلہ ہوا ہے۔

دوسری جانب ذرائع کا کہنا ہے کہ ڈپٹی اسپیکر دوست مزاری نے ملازمین کے ٹرانسفر ماننے سے انکار کیا ہے۔

دوست محمد مزاری اسمبلی سیکریٹریٹ کے نوٹیفکشن پر برہم ہوئے ہیں، ان کا کہنا ہے کہ رات گئے ملازمین کا تبادلہ سمجھ سے بالا تر ہے۔

دوست محمد مزاری نے کہا کہ سرکاری رہائش گاہ پر تعینات ملازمین کو بھی ڈرایا، دھمکایا جا رہا ہے، اسپیکر آفس کے ایسے اوچھے ہتھکنڈوں سے ڈرنے والا نہیں۔

بشکریہ جنگ