ڈاکٹر نوشین کی پُراسرار موت کی عدالتی تحقیقات کا آغاز

چانڈکا میڈیکل کالج لاڑکانہ میں فورتھ ایئر کی طالبہ ڈاکٹر نوشین کی پراسرار موت کی عدالتی تحقیقات شروع کر دی گئی ہے۔

عدالتی ذرائع کے مطابق آج سکستھ ایڈیشنل سیشن جج ڈاکٹر نوشین کی ہاسٹل وارڈن ڈاکٹر لبنی کا بیان قلمبند کریں گے، تمام طلب کئے گئے افراد عدالت میں موجود ہیں ، عدالتی تحقیقات بینظیر بھٹو میڈیکل یونیورسٹی کی وائس چانسلر پروفیسر ڈاکٹر انیلہ عطا الرحمٰن کی استدعا پر کی جا رہی ہے۔

عدالتی تحقیقات 30 روز میں مکمل کرکے رپورٹ پیش کی جائے گی۔

واضح رہے کہ ڈاکٹر نوشین کی پنکھے سے پھندا لگی لاش 24 نومبر 2021 ء کو اس کے ہاسٹل کے کمرے میں پائی گئی تھی، ابتدائی پوسٹمارٹم رپورٹ میں موت کی وجہ گلے میں پھندا لگ کر دم گھٹنا بتایا گیا تھا۔

ڈاکٹر نوشین سی ایم سی میں ایم بی بی ایس فورتھ ایئر کی طالبہ تھیں۔

بشکریہ جنگ