چین نے پاکستان کے ذمے 2.4 ارب ڈالرز قرض رول اوور کر دیا: اسحاق ڈار
وزیرِ خزانہ اسحاق ڈار نے کہا ہے کہ چین نے پاکستان کے ذمے 2.4 ارب ڈالرز کا قرضہ رول اوور کر دیا ہے۔
اس حوالے سے اپنے بیان میں اسحاق ڈار نے کہا ہے کہ چین کے بینک نے قرضہ 2 سال کے لیے رول اوور کیا ہے۔
ان کا کہنا ہے کہ اس ضمن میں چین کے بینک نے باضابطہ طور پر پاکستان کو خط لکھ کر آگاہ کیا ہے۔
وزیرِ خزانہ کا کہنا ہے کہ پاکستان دونوں سال صرف سود کی ادائیگی کرے گا۔
انہوں نے بتایا کہ تمام قرض کے معاہدوں کی مدت میں 21 جولائی 2023ء سے 30 جون 2025ء تک توسیع کی گئی ہے۔
دوسری جانب وزارتِ خزانہ نے مہنگائی میں کمی ہونے کی نوید سنا دی ہے۔
ماہانہ اقتصادی رپورٹ میں کہا گیا ہے کہ پیٹرول اور ڈیزل سستا ہونے سے ضروری اشیاء سستی ہوں گی اور ٹرانسپورٹ کے کرائے کم ہوں گے۔
وزارتِ خزانہ کی ماہانہ اقتصادی رپورٹ میں بتایا گیا ہے کہ جولائی میں مہنگائی کی شرح میں کمی کا امکان ہے۔
Comments are closed.