چیف جسٹس پاکستان قاضی فائز عیسیٰ نے کل اہم اجلاس بلا لیا

سپریم کورٹ آف پاکستان میں بینچز کی تشکیل اور زیرِ التواء مقدمات کے معاملے پر چیف جسٹس پاکستان قاضی فائز عیسیٰ نے اہم اجلاس کل 3 بجے طلب کر لیا۔

ذرائع کے مطابق چیف جسٹس پاکستان نے اجلاس میں پاکستان بار اور سپریم کورٹ بار کو بھی دعوت دی ہے۔

ذرائع کا کہنا ہے کہ اجلاس میں فراہمیٔ انصاف بہتر کرنے کے معاملے پر وکلاء تنظیموں کی تجاویزلی جائیں گی۔

سپریم کورٹ آف پاکستان میں بطور چیف جسٹس قاضی فائز عیسیٰ کا آج دوسرا روز ہے۔

ذرائع نے بتایا ہے کہ وکلاء تنظیمیں بینچز کی تشکیل اور مقدمات سماعت کے لیے مقرر کرنے کے حوالے سے تجاویز دیں گی۔

ذرائع کا یہ بھی کہنا ہے کہ وکلاء فوری نوعیت کے مقدمات کو جلد سماعت کے لیے مقرر کرنے کے حوالے سے بھی تجاویز دیں گے۔

بشکریہ جنگ