چیئرمین پی ٹی آئی سے ملاقات کے بعد شاہ محمود کا چہرہ اترگیا، فون ابتک بند

چیئرمین تحریکِ انصاف (پی ٹی آئی) سے ملاقات کے لیے گزشتہ شام جب وائس چیئرمین پی ٹی آئی شاہ محمود قریشی آئے تو بہت فریش تھے، میڈیا سے گفتگو کا کہہ کر گئے، ملاقات سے واپسی پر شاہ محمود قریشی کا چہرا اترا ہوا، اعصاب تنے ہوئے تھے، ان کا موبائل اب تک بند ہے۔

ذرائع کے مطابق چیئرمین تحریکِ انصاف نے ملاقات والے کمرے میں شاہ محمود قریشی سے ملاقات نہیں کی بلکہ یہ ملاقات ویڈیو ریکارڈنگ روم میں کی۔

ذرائع کا کہنا ہے کہ شاہ محمود قریشی نے چیئرمین پی ٹی آئی سے کہا کہ ہزاروں ورکرز پکڑے گئے ہیں ان کے لیے کوششیں کرنی چاہئیں۔

ملتان منگل کی شام انصاف کا پرچم تھام کر جیل سے رہا…

شاہ محمود قریشی نے ورکرز کو ریلیف دلوانے کے لیے پالیسی بنانے پر بھی زور دیا۔

چیئرمین پی ٹی آئی سے شاہ محمود قریشی نے کہا کہ پارٹی کو دوبارہ سسٹم میں لانے کے لیے سخت فیصلے کرنے ہوں گے۔

ذرائع نے کہا ہے کہ دونوں رہنماؤں نے کچھ دیر لان میں واک کے دوران بھی گفت گو کی۔

ذرائع کا یہ بھی کہنا ہے کہ ملاقات کے بعد سے اب تک شاہ محمود قریشی کا موبائل فون مسلسل بند ہے۔

بشکریہ جنگ