چیئرمین سینیٹ، وزیرِ دفاع کی وزیرِ اعلیٰ بلوچستان سے ملاقات

چیئرمین سینیٹ محمد صادق سنجرانی اور وزیرِ دفاع پرویز خٹک نے بلوچستان کے وزیرِ اعلیٰ جام کمال سے ملاقات کی ہے۔

کوئٹہ میں ہونے والی ملاقات میں بلوچستان کی موجودہ سیاسی صورتِ حال پر بات چیت کی گئی۔

بلوچستان عوامی پارٹی کے قائم مقام صدر ظہور بلیدی کی جانب سے دعویٰ کیا گیا ہے کہ بی اے پی کے 1 اور رکن اور صوبائی وزیر نور محمد دمڑ تحریکِ عدم اعتماد میں ہمارے ساتھ ہیں۔

اجلاس میں وزیرِ اعلیٰ کے خلاف تحریکِ عدم اعتماد اور اس سے پیدا ہونے والی صورتِ حال پر بھی بات چیت کی گئی۔

واضح رہے کہ صادق سنجرانی اور پرویزخٹک پہلے اسپیکر بلوچستان اسمبلی عبدالقدوس بزنجو اور دیگرناراض ارکان سے بھی مل چکے ہیں۔

بشکریہ جنگ