چوروں کا ایجنڈا ناکام بنا دیں گے، وزیر اعظم

وزیراعظم عمران خان کا کہنا ہے کہ وہ چوروں کا ایجنڈا ناکام بنا دیں گے، عدم اعتماد والے شوق پورا کرلیں، ہماری تیاری مکمل ہے۔

عمران خان کی زیرصدارت پی ٹی آئی کور کمیٹی کا اجلاس ہوا جس میں شاہ محمود قریشی، اسد عمر، پرویز خٹک، بابر اعوان کے علاوہ گورنر کے پی، گورنر سندھ، گورنر پنجاب نے بھی شرکت کی۔

اجلاس میں ملکی سیاسی صورتحال کا جائزہ لیا گیا، مشیر پارلیمانی امور بابر اعوان نے قانونی امور پر بریفنگ دی ۔

ملک کی سیاسی صورتحال اور عدم اعتماد کی تحریک کے معاملے پر ترین گروپ کا اہم مشاورتی اجلاس آج لاہور میں طلب کرلیا گیا ہے۔

وزیر اعظم کا کہنا ہے کہ جنہیں مقدموں کو خطرہ ہے وہ لوٹی ہوئی دولت سے انقلاب نہیں لاسکتے۔

ذرائع کے مطابق وزیر اعظم عمران خان نے وزیر دفاع اور گورنر سندھ کو فوری طور پر ناراض اراکین سے رابطہ کرنے کی ہدایت کردی۔

ذرائع کا یہ بتانا ہے کہ پرویزخٹک اور عمران اسماعیل خیبرپختون خوا، پنجاب،بلوچستان کے ناراض اراکین سے رابطہ کریں گے۔

مسلم لیگ ن کی سینئر قیادت نے پی ٹی آئی رہنما علیم خان سے رابطہ کیا ہے۔

پرویز خٹک اور عمران اسماعیل اپوزیشن اراکین سے بھی رابطہ کریں گے۔

ذرائع کا کہنا ہے کہ گورنرسندھ عمران اسماعیل نے بتایا کہ عبدالعلیم خان سے رابطے میں ہوں۔

انہوں نے اجلاس میں جنوبی پنجاب صوبے کا بل قومی اسمبلی میں لانےکا فیصلہ بھی کیا۔

بشکریہ جنگ