چند ججز عمران خان کو ریلیف دینا چاہتے ہیں، فضل الرحمان

پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمان کا کہنا ہے کہ ہمیں اس عدالت پر کوئی اعتماد نہیں ہے، چند ججز عمران خان کو ریلیف دینا چاہتے ہیں۔

لاہور میں پریس کانفرنس کرتے ہوئے فضل الرحمان نے کہا کہ اخلاقی طور پر چیف جسٹس اور دیگر دو ججز کو اس کیس سے الگ ہوجانا چاہیے۔

ایک ہی دن میں الیکشن سے انحراف ملک کو تباہ کن سیاسی بحران میں مبتلا کر دے گا، یہ صورت حال ملک کے معاشی مفادات پر خود کش حملے کے مترادف ہوگی۔

فضل الرحمان نے کہا کہ پی ڈی ایم کو ان تین ججز پر مشتمل بینچ پر اعتماد نہیں، عمران خان اداروں میں تقسیم چاہتے ہیں۔

سربراہ پی ڈی ایم نے کہا کہ دھاندلی کے دو بڑے مجرم دندناتے پھر رہے ہیں، ان کے خلاف ازخود نوٹس نہیں لیا جا رہا۔

انہوں نے کہا کہ ملک کو ایک رکھنے کیلئے ایک الیکشن ہونا ضروری ہے۔

بشکریہ جنگ