پی ڈی ایم کا سائفر پر آرٹیکل 6 کے تحت کارروائی کا مطالبہ
پاکستان ڈیموکریٹک موومنٹ (پی ڈی ایم) نے سائفر کے معاملے پر آرٹیکل 6 کے تحت کارروائی کا مطالبہ کر دیا۔
پی ڈی ایم کے ترجمان حافظ حمد اللّٰہ کا اسلام آباد سے جاری کیے گئے بیان میں کہنا ہے کہ سائفر اپوزیشن کے نہیں، پاکستان کے خلاف سازش تھی۔
ان کا کہنا ہے کہ اعظم خان کے اعتراف کے بعد ’میر جعفر‘ کے خلاف آرٹیکل 6 کے تحت کارروائی کی جائے، 4 سال پاکستان پر مسلط سیاسی دجال نے معیشت اور قومی مفادات سے غداری کی۔
حافظ حمداللّٰہ نے مزید کہا ہے کہ غداری کے سرٹیفیکیٹ بانٹنے والا خود ہی غدار نکلا، سپریم کورٹ نے پارلیمنٹ توڑنے کو آئین شکنی قرار دیا تھا، آئین شکن کی سزا آرٹیکل 6 ہے۔
ان کا یہ بھی کہنا ہے کہ مولانا فضل الرحمٰن کی کہی ہوئی ایک ایک بات سچ نکلی، اسرائیلی ایجنٹ نے پاکستان کے خارجہ تعلقات تباہ کرنے کے لیے سائفر گھڑا تھا۔
بشکریہ جنگ
Comments are closed.