پی پی اور ایم کیو ایم والے پھر الیکشن سے بھاگ گئے، علی زیدی

کراچی اور حیدرآباد میں بلدیاتی انتخابات ملتوی کرنے کے اعلان پر پاکستان تحریک انصاف کا ردعمل بھی سامنے آگیا ہے۔

پی ٹی آئی رہنما علی زیدی کا کہنا ہے کہ پی ٹی آئی کے ہاتھوں شکست کے خوف سے یہ اقدام کیا گیا ہے۔

انہوں نے کہا کہ پیپلز پارٹی اور ایم کیو ایم والے ایک بار پھر بلدیاتی الیکشن سے بھاگ گئے ہیں۔

پی پی رہنما شرجیل میمن کا کہنا ہے کہ کراچی، حیدرآباد اور دادو میں 15 جنوری کو بلدیاتی انتخابات نہیں ہوں گے۔

علی زیدی نے کہا کہ پارٹی قیادت سے مشاورت کے بعد ہفتے کو احتجاج کی کال دی جائے گی۔

واضح رہے کہ پاکستان پیپلزپارٹی کے رہنما شرجیل میمن نے کراچی، حیدرآباد اور دادو میں 15 جنوری کو بلدیاتی انتخابات نہ ہونے کا اعلان کیا ہے۔

بشکریہ جنگ