پی ٹی آئی کے 25 سے 30 لوگ ہمارے ساتھ رابطے میں ہیں، جاوید لطیف

پاکستان مسلم لیگ (ن) کے رہنما میاں جاوید لطیف نے دعویٰ کیا ہے کہ پی ٹی آئی کے 25 سے 30 لوگ ہمارے ساتھ رابطے میں ہیں، شہباز گل کی اپنی کوئی ساکھ نہیں وہ عوام کے منتخب نمائندہ نہیں ہیں۔

اپنے بیان میں میاں جاوید لطیف نے کہا کہ ہمارے پاس نمبر پورے نہیں تو عدم اعتماد کی تحریک کو پیش کرنا وقت کا ضیاع ہے۔

پیپلز پارٹی نے تجویز دی کہ عدم اعتماد کی صورت میں دونوں پارٹیوں کو متفقہ لائحہ عمل اپنانا چاہیے۔

میاں جاوید لطیف نے کہا کہ بل پاس کروانے کے لیے لوگوں کو فون کالز کی جاتی ہیں، بلز کی منظوری کے وقت حکومت کے اتحادیوں کو بھی فون کالز جاتی ہیں۔

رہنما مسلم لیگ ن نے کہا کہ بل کی منظوری کے وقت اپوزیشن کی جو ذمہ داری تھی وہ اس نے ادا نہیں کی۔

بشکریہ جنگ