پی ٹی آئی سینئر قیادت کے اجلاس کا اعلامیہ جاری

چیئرمین پاکستان تحریک انصاف (پی ٹی آئی) عمران خان کی زیر صدارت ہونے والے سینئر قائدین کے اجلاس کا اعلامیہ سامنے آ گیا۔

اعلامیے کے مطابق اجلاس میں ضمنی الیکشن میں پی ٹی آئی کی کامیابی پر تشکر کا اظہار کیا گیا۔

اعلامیے کے مطابق پی ٹی آئی قیادت نے اس دوران امریکی صدر جو بائیڈن کے اشتعال انگیز بیان اور حکومت پاکستان کے ردعمل کا تفصیلی جائزہ لیا۔

اعلامیے کے مطابق اجلاس میں پی ٹی آئی قیادت نے پارٹی سینیٹر اعظم سواتی پر تشدد کی مذمت کی۔

اجلاس میں حقیقی آزادی کی تحریک کے حتمی مرحلے کی منصوبہ بندی پر تفصیلی مشاورت کی گئی اور عمران خان کی پریس کانفرنس کے نکات مرتب کیے گئے۔

بشکریہ جنگ