پی ٹی آئی رکن قومی اسمبلی شکور شاد کے استعفے کا نوٹیفکیشن معطل
اسلام آباد ہائی کورٹ نے کراچی کے علاقے لیاری سے پاکستان تحریک انصاف (پی ٹی آئی) کے رکن قومی اسمبلی شکور شاد کے استعفے کا نوٹیفکیشن معطل کردیا۔
پی ٹی آئی کے ایم این اے شکور شاد کی درخواست پر سماعت اسلام آباد ہائیکورٹ میں ہوئی۔ عدالت نے انہیں اسمبلی اجلاس میں شرکت کرنے کا حکم بھی دیا ہے۔
تحریک انصاف کے رکن قومی اسمبلی کے وکیل نے موقف اپنایا تھا کہ شکور شاد نے استعفا نہیں دیا تھا، پارٹی ہیڈ آفس میں کمپیوٹر آپریٹر نے 123 استعفے ٹائپ کر کے بھیجے تھے۔
عدالت کی جانب سے پی ٹی آئی ایم این اے کی درخواست پر الیکشن کمیشن کو نوٹس جاری کرتے ہوئے 2 ہفتوں میں جواب طلب کرلیا گیا ہے۔
بشکریہ جنگ
Comments are closed.