پی ٹی آئی خود اپنے جال میں پھنس چکی، راجا پرویز اشرف

سابق وزیراعظم اور پیپلز پارٹی کے سینئر رہنما راجا پرویز اشرف نے کہا ہے کہ پی ٹی آئی خود اپنے جال میں پھنس چکی ہے۔

فیصل آباد میں میڈیا سے گفتگو میں راجا پرویز اشرف نے کہا کہ حکمران جماعت تحریک انصاف اپنے بچھائے ہوئے جال میں خود پھنس چکی ہے۔

انہوں نے کہا کہ ثابت ہوگیا، سابقہ حکومتوں پر الزام تراشی کر کے عوام کو مزید بے وقوف نہیں بنایا جاسکتا ہے۔

سابق وزیراعظم نے مزید کہا کہ خیبرپختونخوا کے باشعور عوام نے بلدیاتی انتخابات میں پی ٹی آئی کو بری طرح مسترد کیا ہے۔

اُن کا کہنا تھا کہ ہماری اپنی کمزوری آڑے آئی، ورنہ لاہور میں این اے 133 کا انتخاب جیت جاتے۔

راجا پرویز اشرف نے یہ بھی کہا کہ پیپلز پارٹی کافی عرصےسستی کا شکار رہی، لیکن اب ہم سیاست کے میدان میں ہیں۔

بشکریہ جنگ