پی ٹی آئی کی پیٹرول اور ڈیزل کی قیمتوں میں اضافے کی مذمت

پاکستان تحریک انصاف کی جانب سے پیٹرول اور ڈیزل کی قیمتوں میں اضافے کی مذمت کی گئی ہے۔

تحریک انصاف کے ترجمان کی جانب سے کہا گیا ہے کہ نگراں حکومت ہر لحاظ سے پی ڈی ایم کی مجرمانہ حکومت کی توسیع و تسلسل ہے، امید تھی انوار الحق کاکڑ مجرموں کے وارث بننے کے بجائے کسی بہتر راہ کا انتخاب کریں گے۔

سراج الحق نے کہا ہے کہ جماعت اسلامی عوامی حمایت کے ذریعے حکومت کو پیٹرولیم مصنوعات میں کیا گیا اضافہ واپس لینے پر مجبور کرے گی۔

ترجمان پی ٹی آئی کا کہنا ہے کہ نالائق اور برائے نام نگراں حکومت عوام کو دفن کرنے کی کوششوں میں مصروف ہے، پیٹرول اور ڈیزل کی قیمتوں میں اضافے سے مہنگائی کی تباہ کن لہر کی شدت بڑھے گی۔

ترجمان تحریک انصاف کا کہنا ہے کہ پیٹرولیم مصنوعات کی قیمتوں میں اضافہ فوری واپس لے کر بھتا خوری کا حکومتی سلسلہ بند کیا جائے۔

بشکریہ جنگ