پی ٹی آئی کارکنوں پر تشدد کرنیوالوں کیخلاف کارروائی جاری ہے، ہاشم ڈوگر
وزیر داخلہ پنجاب کرنل ریٹائرڈ ہاشم ڈوگر کا کہنا ہے کہ 25 مئی کو پی ٹی آئی کارکنوں پر تشدد کرنے والوں کے خلاف کارروائی جاری ہے۔
ہاشم ڈوگر نے اپنے ایک بیان میں کہا کہ پنجاب اسمبلی میں تشدد کے واقعات میں ملوث افراد کیخلاف مقدمات درج ہیں۔
انہوں نے کہا کہ پولیس سرچ وارنٹ کے ساتھ اِن کی گرفتاریوں کیلئے کارروائی کر رہی ہے۔
ہاشم ڈوگر کا کہنا تھا کہ 25 مئی اور ضمنی انتخابات میں اختیارات سے تجاوز پر افسران عہدوں سے ہٹا دیے گئے ہیں، سی سی پی او لاہور، ڈی آئی جی آپریشنز، ڈی آئی جی انویسٹی گیشن کو بھی عہدے سے ہٹایا گیا ہے جبکہ 30 انسپکٹرز کو فوری طور پر معطل و نوکریوں سے برخاست کیا جا رہا ہے۔
وزیر داخلہ پنجاب کا مزید کہنا تھا کہ 4 ایس پیز اور 7 ڈی ایس پیز بھی معطل ہوئے ہیں ہائی لیول انکوائری جاری ہے۔
اس کے علاوہ فیصل آباد میں خواتین پر بندوق تاننے والا سب انسپکٹر بھی نوکری سے برخاست کردیا گیا ہے۔
Comments are closed.