پی ٹی آئی پارٹی فنڈنگ: شوکاز کے کیخلاف الیکشن کمیشن کی اپیل سماعت کیلئے مقرر
اسلام آباد ہائی کورٹ میں پاکستان تحریک انصاف (پی ٹی آئی) پارٹی فنڈنگ کیس میں شوکاز نوٹس کی کارروائی کے معاملے میں سنگل بینچ کے فیصلے کیخلاف الیکشن کمیشن آف پاکستان (ای سی پی) کی انٹراکورٹ اپیل کل سماعت کے لیے مقرر کرلی گئی۔
عدالت عالیہ کے چیف جسٹس عامر فاروق اور جسٹس طارق محمود جہانگیری اپیل پر سماعت کریں گے۔
انٹراکورٹ اپیل میں کہا گیا ہے کہ سنگل بینچ نے فیصلے میں کہا تھا کہ فیکٹ فائنڈنگ رپورٹ حتمی فیصلہ نہیں۔
ای سی پی نے اپیل کی تھی کہ سنگل بینچ کا فیصلہ طے شدہ قانونی اصولوں کے خلاف ہے۔
الیکشن کمیشن نے عدالت سے استدعا کی تھی کہ انٹراکورٹ اپیل منظور کر کے سنگل بینچ کا فیصلہ کالعدم قرار دیا جائے۔
بشکریہ جنگ
Comments are closed.