پی ٹی آئی دور میں 600 افراد کو 4 ارب ڈالرز بغیر سود قرض پر دیے جانے کا انکشاف

پبلک اکاؤنٹس کمیٹی کے اجلاس میں پی ٹی آئی دور میں 4 ارب ڈالرز 600 افراد کو صفر شرح سود قرض پر دیے جانے کا انکشاف ہوا ہے۔

چیئرمین نور عالم خان کی زیرِ صدارت پارلیمنٹ کی پبلک اکاؤنٹس کمیٹی کا اجلاس ہوا جس میں ایف آئی اے سے عید کے بعد 4 ارب ڈالرز 600 افراد کو فراہم کرنے کی فہرست طلب کر لی گئی۔

کمیٹی نے ایف آئی اے کو ان 600 افراد کے گھر، بینک بیلنس، جائیدادیں بھی تحویل میں لینے کی ہدایت کر دی۔

چیئرمین پبلک اکاؤنٹس کمیٹی (پی اے سی) اور اپوزیشن رہنما نور عالم خان نے کہا ہے کہ خیبرپختونخوا میں روزانہ لوگ شہید ہو رہے ہیں اور یہاں سب گپ شپ لگا رہے ہیں۔

چیئرمین پی اے سی نور عالم خان نے کہا کہ سابق گورنر رضا باقر اور سابق وزیرِ خزانہ شوکت ترین 4 ارب ڈالرز دلوانے میں ملوث ہیں۔

برجیس طاہر نے کہا کہ صفر شرح سود پر 4 ارب ڈالرز 160 روپے ایکسچینج ریٹ پر دیے گئے، اب ڈالر 280 روپے پر پہنچ چکا ہے اور یہ ملکی معیشت کے 900 ارب سے زائد بنتے ہیں۔

بشکریہ جنگ