پی ٹی آئی انٹرا پارٹی الیکشن کے خلاف درخواستوں پر سماعت آج ہوگی

پاکستان تحریک انصاف (پی ٹی آئی) انٹرا پارٹی الیکشن کے خلاف درخواستوں پر سماعت آج الیکشن کمیشن میں ہوگی۔

الیکشن کمیشن نے آج کی سماعت کو ابتدائی قرار دیا ہے۔

انٹرا پارٹی الیکشن کے خلاف اکبر ایس بابر سمیت 11 افراد نے درخواستیں دائر کی تھیں۔

گوہر خان کا کہنا تھا کہ آئندہ ہفتہ تک سب واضح ہو جائے گا، امید ہے عدلیہ ہمیں بھی ریلیف دے گی۔

واضح رہے کہ دو روز قبل پی ٹی آئی کے بانی رکن اکبر ایس بابر نے انٹرا پارٹی الیکشن کو ای سی پی میں چیلنج کیا تھا۔

اکبر ایس بابر نے استدعا کی تھی کہ نئے انٹرا پارٹی الیکشن کروانے کا حکم دیا جائے۔

بشکریہ جنگ