پی ایس ایکس 100 انڈیکس میں 68 پوائنٹس کی کمی

پاکستان اسٹاک ایکسچینج (پی ایس ایکس) میں آج کاروبار کا ملا جلا دن رہا۔

انٹربینک میں کاروبار بندش پر ڈالر کا بھاؤ ایک پیسہ کم ہوکر 174 روپے 47 پیسے ہے۔

پاکستان اسٹاک مارکیٹ کا بینچ مارک 100 انڈیکس آج 68 پوائنٹس کمی سے 45 ہزار 841 پر بند ہوا ہے۔

کاروباری دن میں 100 انڈیکس 340 پوائنٹس کے بینڈ میں رہا جبکہ انڈیکس کی بلند ترین سطح 46 ہزار 139 پوائنٹس رہی۔

حصص بازار میں آج 15 کروڑ شیئرز کا کاروبار 6 ارب 25 کروڑ روپے میں طے ہوا۔

پی ایس ایکس کی مارکیٹ کیپٹلائزیشن 18 ارب روپے کم ہوئی ہے، جو کاروبار کی بندش پر 7 ہزار 833 ارب روپے ہے۔

بشکریہ جنگ