پی ایس ایکس 100 انڈیکس میں 318 پوائنٹس کا اضافہ

پاکستان اسٹاک ایکسچینج (پی ایس ایکس) میں آج کاروبار کا مثبت دن رہا۔ 100 انڈیکس آج 318 پوائنٹس اضافے سے 43 ہزار 522 پر بند ہوا ہے۔

 کاروباری دن میں انڈیکس 633 پوائنٹس کے بینڈ میں رہا جبکہ انڈیکس کی آج کم ترین سطح 42 ہزار 936 رہی۔

سندھ صرافہ بازار جیولرز ایسوسی ایشن کے مطابق 500 روپے اضافے کے بعد ملک میں ایک تولہ سونے کا بھاؤ ایک لاکھ 31 ہزار 500 روپے ہوگیا ہے۔

حصص بازار میں آج 14 کروڑ 97 لاکھ شیئرز کے سودے ہوئے، جن کی مالیت 5 ارب 64 کروڑ روپے رہی۔

پی ایس ایکس کی مارکیٹ کیپٹلائزیشن آج 45 ارب روپے بڑھ کر 7 ہزار 346 ارب روپے ہے۔

بشکریہ جنگ