پی ایس ایکس 100 انڈیکس میں 106 پوائنٹس کا اضافہ

پاکستان اسٹاک ایکسچینج (پی ایس ایکس) میں آج کاروبار کا مثبت دن رہا۔ 100 انڈیکس 106 پوائنٹس اضافے سے 45 ہزار 947 پر بند ہوا ہے۔

کاروباری دن میں 100 انڈیکس 360 پوائنٹس کے بینڈ میں رہا، جبکہ انڈیکس کی آج بلند ترین سطح 46 ہزار 37 پوائنٹس رہی۔

حصص بازار میں آج 18 کروڑ 73 لاکھ شیئرز کے سودے ہوئے، جن کی مالیت 7 ارب 9 کروڑ روپے سے زائد رہی۔

پی ایس ایکس کی مارکیٹ کیپٹلائزیشن آج 9 ارب روپے بڑھ کر کاروبار کی بندش پر 7 ہزار 843 ارب روپے ہے۔

بشکریہ جنگ