پی ایس ایکس میں آج کاروبار کا ملا جلا دن

پاکستان اسٹاک ایکسچینج (پی ایس ایکس) میں آج کاروبار کا ملا جلا دن رہا۔ 100 انڈیکس 26 پوائنٹس کی کمی سے 43 ہزار 203 پر بند ہوا ہے۔

سندھ صرافہ بازار جیولرز ایسوسی ایشن کے مطابق آج سونے کی فی تولہ قیمت 300 روپے بڑھی ہے۔

کاروبار کی بندش سے قبل انڈیکس 236 پوائنٹس کے بینڈ میں رہا جبکہ انڈیکس کی بلند ترین سطح 43 ہزار 400 رہی۔

حصص بازار میں آج 13 کروڑ 82 لاکھ شیئرز کا کاروبار ہوا جس کی مالیت پانچ ارب روپے سے زائد رہی۔

پی ایس ایکس کی مارکیٹ کیپٹلائزیشن 9 ارب روپے کم ہوکر 7 ہزار301 ارب روپے ہے۔

بشکریہ جنگ