پی ایس ایکس میں آج سرمایہ کاری کا ملا جلا دن رہا

پاکستان اسٹاک ایکسچینج (پی ایس ایکس) میں آج سرمایہ کاری کا ملا جلا دن رہا۔ 100 انڈیکس 839 پوائنٹس کے بینڈ میں رہا، لیکن بندش پر کل کی اختتامی سطح سے بس ایک پوائنٹ نیچے ہے۔

کاروبار کے اختتام پر 100 انڈیکس 43 ہزار 232 پوائنٹس ہے جبکہ پورے ہفتے کی گراوٹ 881 پوائنٹس رہی۔

کاروباری دن میں ڈالر بیچنے کی آفر 177 روپے 15 پیسے تک رہی۔

پورے ہفتے مارکیٹ کی کیپٹلائزیشن 173 ارب روپے کم ہوکر 7 ہزار 414 ارب روپے ہے۔

حصص بازار میں آج 28 کروڑ شیئرز کا کاروبار 10 ارب روپے میں ہوا۔

سندھ صرافہ بازار جیولرز ایسوسی ایشن کے مطابق ملک میں سونے کی فی تولہ قیمت 350 روپے بڑھ کر ایک لاکھ 24 ہزار روپے ہے۔

پورے ہفتے مارکیٹ ایک ارب 59 کروڑ شیئرز کا کاروبار 79 ارب روپے میں ہوا۔

بشکریہ جنگ