پی ایس ایل7: پشاور زلمی کا ملتان سلطانز کیخلاف فیلڈنگ کا فیصلہ

پاکستان سپر لیگ (پی ایس ایل) 7 کے 13 ویں میچ میں پشاور زلمی نے ملتان سلطانز کے خلاف ٹاس جیت کر فیلڈنگ کا فیصلہ کیا ہے۔

کراچی کے نیشنل اسٹیڈیم میں ایونٹ کے پہلے مرحلے کے میچز کھیلے جارہے ہیں،پی ایس ایل 7 میں دونوں ٹیمیں اپنا 5واں میچ کھیل رہی ہیں۔

ملتان سلطانز کے کپتان محمد رضوان اور پشاور زلمی کے قائد وہاب ریاض ٹاس کےلیے میدان میں اترے ، وہاب ریاض نے ٹاس جیت کر محمد رضوان کو بیٹنگ کی دعوت دی ۔

ملتان سلطانز جو اب تک ایونٹ میں ناقابل شکست رہی ہے،وہ اس وقت پوائنٹس ٹیبل پر سرفہرست ہےجبکہ پشاور زلمی نے 4 میں سے صرف دو فتحیاب ہوئی ہے۔

دونوں ٹیموں نے ایونٹ کے اس بڑے مقابلے کےلیے اپنی ٹیموں میں تبدیلیاں کی ہیں، پشاور نے حسین طلعت کی جگہ ثاقب محمود کو میدان میں اتارنے کا فیصلہ کیا ہے۔

دوسری طرف ملتان سلطانز نے آج کے میچ کے 3 تبدیلیاں کی ہیں،رئیلی روسو ،رومان رئیس اور ڈیوڈ ویلی کی جگہ جونسن چارلیز،بلیسنگ موزاربانی اورشاہنواز ڈہانی کو شامل کیا گیا ہے۔

پشاور زلمی کی طرف سے کامران اکمل، حضرت اللہ زازئی، حیدر علی ،شعیب ملک ، شیرافین روتھرفورڈ،بین کٹنگ، وہاب ریاض ، ثاقب محمود ، محمد عمر ،عثمان قادر اور سلمان ارشاد میدان میں اتر رہے ہیں۔

دوسری طرف ملتان سلطانز کی حتمی الیون میں شان مسعود ، محمد رضوان ، صہیب مقصود ،جونسن چارلیز، ٹم ڈیوڈ، خوشدل شاہ ، انور علی ، عباس آفریدی، عمران طاہر ، شاہنواز ڈہانی اور بلیسنگ موزاربانی شامل ہیں۔

بشکریہ جنگ