پی ایس ایل7: آج کے میچز میں اسپائیڈر کیم استعمال نہیں ہوگا

پاکستان سپر لیگ (پی ایس ایل) میں آج کھیلے جانے والی میچز میں اسپائیڈر کیم استعمال نہیں ہوگا۔

پاکستان کرکٹ بورڈ (پی سی بی) کے مطابق اسپائیڈر کیم کی سہولت موجود نہیں ہے، اس کی جگہ کوریج کے لیے2 ڈرون کیمرے شامل کیے گئے ہیں۔

پی سی بی کا کہنا ہے کہ گزشتہ روز میچ کےدوران اسپائیڈرکیم کی وائرز ٹوٹ گئی تھیں۔

خیال رہے کہ پاکستان سپر لیگ میں آج دو میچز ہونے ہیں، پہلا میچ کراچی کنگز اور کوئٹہ گلیڈی ایٹرز کے درمیان کھیلا جارہا ہے جبکہ دوسرے میچ میں اسلام آباد یونائیٹڈ اور دفاعی چیمپئن ملتان سلطانز اِن ایکشن ہوں گے، دونوں ٹیموں کے درمیان کھیلا جانے والا میچ ساڑھے 7 بجے شروع ہوگا۔

پاکستان سپر لیگ (پی ایس ایل) سیزن 7 میں سنسنی خیز مقابلوں کا سلسلہ جاری ہے، ایونٹ میں آج دو میچز کھیلے جائیں گے

واضح رہے کہ اسلام آباد یونائیٹڈ اور کوئٹہ گلیڈی ایٹرز میں سے کوئی ایک ٹیم لیگ کے اگلے مرحلے میں جائے گی ، دونوں ٹیموں کے پاس جگہ پکی کرنے کا آج آخری موقع ہے، جبکہ کراچی کنگز ایونٹ سے پہلے ہی باہر ہو گئی ہے۔

ملتان سلطانز، لاہور قلندرز اور پشاور زلمی نے پہلے ہی پلے آف کے لیے کوالیفائی کرلیا ہے۔

بشکریہ جنگ